މިނިސްޓްރީ އޮފް ހަޔަރ އެޑިއުކޭޝަން، ލޭބަރ އެންޑް ސްކިލްސް ޑިވެލޮޕްމަންޓްގެ ފަރާތުން އިންތިޒާމްކުރި ދާލަން އެކްސްޕޯ ގައި ޕެންޝަން އޮފީހުން ބައިވެރިވެއްޖެއެވެ.

ނޮވެންބަރު 15 އިން 16 އަށް ހުޅުމާލޭ ސެންޓްރަލް ޕާރކުގައި ކުރިއަށް ދިޔަ މި އެކްސްޕޯގައި އެކި ދާއިރާތަކަށް ނިސްބަތްވާ އޮފީސްތަކާއި ކުންފުނިތަކާއި މަތީ ތަޢުލީމުދޭ މަރުކަޒުތަކުގެ ސްޓޯލްތަކުން ވަނީ އެކްސްޕޯއަށް ޒިޔާރަތްކުރި ފަރާތްތަކަށް އެކި ދާއިރާތަކުގައި ހުރި ވަޒީފާ އަދި ތައުލީމުގެ ފުރުސަތުތަކާ ބެހޭ މުހިންމު މައުލޫމާތުތައް ދީފައެވެ.

މި އެކްސްޕޯގައި "ބްރިޖިންގ ދަ ސްކިލް ގެޕް"، މި މައުޟޫއަށް ހާއްސަ ކުރެވުނު ޕެނަލް ޑިސްކަޝަންގައި ޕެންޝަން އޮފީހުގެ ފަރާތުން ޑިރެކްޓަރ، އިންވެސްޓްމަންޓް އެންޑް ރިސަރޗް، އާމިނަތު އިރުތިޔާޝާ ވަނީ ބައިވެރިވެ މާލީ ދައިރާގައި ޒުވާނުންނަށް ހުރި ފުރުސަތުތަކަށް އަލި އަޅުވާލައިފައެވެ.